Руслан Іванавіч Гунчак

Руслан Гунчак
Агульная інфармацыя
Поўнае імя	Руслан Іванавіч Гунчак
Нарадзіўся	9 жніўня 1979(1979-08-09) (45 гадоў) Шышкіўцы, Кіцманскі раён, Чарнавіцкая вобласць, УССР, СССР
Грамадзянства	Украіна
Рост	186 см
Вага	80 кг
Пазіцыя	абаронца, паўабаронца
Клубная кар’ера
1998—2001 Букавіна (Чарнаўцы) 95 (13) 2002 Прыкарпацце (Івана-Франкоўск) 17 (0) 2002—2004 Ільічовец (Марыупаль) 45 (2) 2004 →  Ільічовец-2 (Марыупаль) 4 (2) 2004—2005 Металіст (Харкаў) 24 (4) 2005—2009 Харкаў 92 (10) 2009 Лужаны 4 (1) 2009—2010 Сімург (Закаталы) 34 (7) 2010—2012 Букавіна (Чарнаўцы) 75 (30) 2013—2016 Нафтан (Наваполацк) 117 (15) 2017 Букавіна (Чарнаўцы) 1 (0) 2017 Валока 2018 Крэмінь (Пістынь)
Трэнерская кар’ера
2017 Букавіна (Чарнаўцы) гул. тр. 2018 Нэпалокіўці 2019— Валока
Медыяфайлы на Вікісховішчы

Руслан Гунчак (нар. 9 жніўня 1979) — былы ўкраінскі футбаліст, паўабаронца. Часам таксама гуляў на пазіцыі абаронцы. У цяперашні час з’яўляецца галоўным трэнерам клуба «Валока».

Клубная кар’ера

Дэбютаваў у чэмпіянаце Украіны (Першая ліга) у 1998 у складзе чарнавіцкай «Букавіны». У 2002—2009 выступаў за клубы ўкраінскай Прэм’ер-лігі. Пасля сезону ў Азербайджане вярнуўся ў «Букавіну», у складзе якой стаў найлепшым бамбардзірам Першай лігі 2010/11.

«Нафтан»

У лютым 2013 перайшоў у наваполацкі «Нафтан». Хутка стаў адным з лідараў каманды, у адсутнасць Алега Шкабары быў капітанам. Спачатку гуляў на пазіцыі апорнага паўабаронцы, потым апусціўся да цэнтральнага абаронцы.

У снежні 2013 пакінуў клуб у сувязі з заканчэннем кантракта, але неўзабаве вярнуўся ў Наваполацк і ў лютым 2014 падпісаў новы кантракт. У сезоне 2014 працягваў быць асноўным абаронцам навапалачан, па выніках сезону правёў на полі найбольшую колькасць часу сярод усіх ігракоў Вышэйшай лігі. За сезон забіў 7 мячоў (большую частку з пенальці).

У лютым 2015 яшчэ на год падоўжыў кантракт з «Нафтанам». У 2015—2016 заставаўся асноўным цэнтральным абаронцам «Нафтана». У снежні 2016 года прыняў рашэнне аб завяршэнні прафесійнай кар’еры, аднак пазней далучыўся да «Букавіны» ў якасці гуляючага трэнера, правёў у гэтай якасці першую палову 2017 года.

Апошнія гады

Улетку 2017 года пакінуў «Букавіну», а ў жніўні прыняў прапанову выступаць за аматарскі клуб «Валока» ў чэмпіянаце Чарнавіцкай вобласці. У 2018 годзе згуляў адзін матч за «Крэмінь» (Пістынь) у чэмпіянаце Івана-Франкоўскай вобласці, пасля чаго канчаткова завяршыў кар’еру.

Дасягненні

• Найлепшы бамбардзір Першай лігі чэмпіянату Украіны: 2010/11 (20 галоў)